Sat – Thurs: 8:00am – 3:00pm | Fri: closed
+252 616 385 278

Aasaasidda Xisbiga

Ujeeddada Diiwaangelinta Ururrada Siyaasadda

Ujeeddada diiwaangalinta waa in dad ama urruro isu tagay ay codsadaan diiwaangalin si ay u helaan sharciyad ay ku gaaraan arimahooda siyaasiga ah. Si ay u helaan diiwaangalin waxay codsi diiwaangalin gaynayaan xafiiska diiwaangalinta xisbiyada ee Guddiga Madaxabannaan ee Doorashooyinka Qaranka si waafaqsan sharciga xisbiyada.
Diiwaangalinta Ururrada siyaasadda waxay maraysaa labo marxaladood oo kala ah:

  • Diiwaangalinta kumeelgaarka ah
  • Diiwaangalinta rasmiga ah

Ururrada Siyaasadeed ee Codsiga Soo Gudbiyay:

Qodobka 5 aad ee sharciga xisbiyada siyaasadda ayaa qeexaya macluumaadka lagu soo qorayo ururrada siyaasadeed ee doonaya diiwaangalinta kumeelgaarka ah. Waxaana ka mid ah inay soo gubdiyaan:

  • Maxdar qoraalka kulankii ugu horeeyay oo ay yeesheen xubnaha xisbiga asaasay oo saxiixan;
  • Lifaaq nuqul dastuurka xisbiga siyaasadeed sida kuxusan qeybta 9aad ee sharcigan;
  • Nuqulka dastuurka waa in uu waafaqsanyahay jadwalka 2aad ee sharciga xisbiyada

Jadwalka waxaa uu qeexayaa macluumaadka laga rabo in ay ku jiraan dastuurka xisbiga sida:-

  • Magaca xisbiga siyasadeed iyo sida loo soo gabiyay,
  • Astanta, calaamadda iyo midabka xisbiga.
  • Ujeedooyinka xisbiga iyo Aragti si cad loo qeexay, oo muujinaysa himilada, mabaadi’da iyo qiyamka xisbiga hageya.
  • Goobta iyo Cinwaanka sanduuqa boostada ee xafiisyada u diwaan gashan.
    Macluumaadka looga baahan yahay golaha fulinta xisbigu Guntanka, Joogtaynta kulamada iyo Awoodda go’aan gaarista.
    Taxanaha qaab dhismeedka mamulka xisbiga iyo hanaanka ay tahay in loo diyaariyo.
  • Tilaabooyinka anshax marinta ee laga qaadayo xubin ama sarkaal xisbi siyaasadeed
    Saxeexayaasha xisbiga (saraakiisha idman ee xisbigu).
  • Dokumeentiyada siyaasadeed ee xisbigu soo saari doono .
  • Siyaasadaha iyo hab-raaca maareynta hantida xisbigu
    Muujinta Qodobada la raacayo marka wax laga bedelayo magaca, dastuurka iyo shuruucda xisbiga siyaasadeed.
    Xeerka iyo habraaca la raacayo marka xisbi mid kale ama kuwo kale la midoobayo.
    Qodobada Xeerka ee tilmaamaya qaabka loo marayo marka la baabi’nayo xisbi siyaasadeed ama laamihiisa
    Habka xallinta khilafaadka xisbiga gudahiisa.
    Ilaalinta xuquuqda iyo ku dhaqanka demoqoraadiyadda si loo hubiyo ka qeybgelinta haweenka, dadka laga tirada badanyahay iyo kuwa la hayb sooco dhammaan hawlaha xisbiga.
    Sharaxaad dheeraad ah waxaad ka heli kartaa jadwalka saaran dhamaadka diiwaangalinta kumeelgaarka ah.
    Ballan qaad sugaya dhowrista iyo ku-dhaqanka sharcigan iyo habdhaqanka lagu xusay jadwalka koowaad ee isla sharcigan;
    Qoraal caddeynaya hab ka xisbigu u xallinayo khilaafaadkiisa gudaha oo la waafajiyay jadwalka 8aad ee sharcigan;
    Khidmada diiwaangelinta kumeel-gaarka oo ah lacag 10 malyan ShSo. Oo u dhiganta shanboqol ($500); (xisaabta socota 1347 Bankiga Dhexe Soomaaliya).
    Codsi ku qoran warqad leh astaanta rasmiga ee xisbiga;