Guddiga Madaxa-Bannaan ee Doorashooyinka Qaranka (GMDQ) ayaa maanta 22 May 2019 ka qeyb qaatey dhismaha Matxafka iyo Maktabadda Qaranka.
Guddoomiyaha GMDQ Marwo Xaliima Ismaciil Ibraahim iyo xubnaha kale ee guddiga iyo shaqaalaha waxay shaqo qaran ka qabteen dhismayaasha qaranka, Matxafka iyo Maktabadda, sidoo kale waxay ku wareejiyeen agab ka qayb ah dhismaha socda, shaqadan qaran oo loogu magacdaray Isxilqaan.
Hawshaasi kadib, waxaa dhowr kalimadood halkaasi ka jeedisay guddoomiyaha GMDQ oo ka hadashay faa’iidooyinka Isxilqaan u leeyahay dalka iyo dib u dhiskiisa.
Howsha is xilqaan waa shaqo iskaa wax u qabso ah ee dib loogu soo nooleeyo goobaha danta guud oo ay shacabka Soamaliyeed leeyihiin, kuwaas oo ku burburay dagaaladii sokeeye.