Tababarka oo socdey mudo laba maalmood ah ayaa waxaa loo qabtey shaqaalaha Guddiga madax banaan ee doorashooyinka Qaranka.

 

Waxaa  tababarka  furitaanka ka soo qeybgaley Hussien Cabdi Aadan oo ka mid ah madaxda Guddiga Madaxbanaan Doorashooyinka Qaranka Soomaaliyeed.

Hussien  Cabdi Aadan  ayaa  soo dhaweeyey tababarka, wuxuuna shaqaalaha kula dardaarmey inay wax badan ka kororsadaan ayna ka  faaideystaan, wuxuuna kula dardaarmey in  muuqaalka  web-site-ka Guddigu uu noqdo mid ka run sheega shaqada Guddiga uu u haayo Bulshadiisa lagana heli karo warbixinada ku saabsan doorashooyinka dalka Soomaaliya. tababarka waxaa  lagu qaatey  macluumaad ku saabsan qaabka loo maamulo loona adeegsado web-site ka  waxaana intaas sii dheeraa in casharada ay ku jireyn sida looga hortagi karo waxa walba oo dhanka security kaga yimaada web-site ka.

Mudadii labada maalin ee uu socdey tababarkaani waxaa  la oran karaa waxay aheyd mid wax badan dhanka fahamka isticmaalka iyo ku shaqeynta web-site-ka ay ka faaiideysteen shaqaalaha Guddiga. 

Fududeeyaha tababarka Marwo Zahro Cabdi Karin Ibrahim kana socotey shirkada  SOSTEC oo ah shirkada web-site-kani suurageliyey ayaa intuu socdey tababarka i kula dardaarantay shaqaalaha inay la soo xariiraan hadii ay arkaan waxyaabo dhibaato ku ah jiritaanka web-site-ka.

Gabagabadii tababarka waxay guud ahaan shaqaalaha Guddiga madaxbanaan ee doorashooyinka Qaranka u mahadceliyeen fududeeyaha tababarka Zahra Cabdi kariin sida wanaagsan oo ay u bixisay casharadii ku aadanaa cilimiga Aalada isticmaalka web-site-ka.

Guddiga Madaxbanaan ee Doorashooyinka Qaranka Soomaaliyeed oo sanad jirsadey ayaa xafladii Guddiga lagu daah furey Wen-site ka www.  NIEC.SO Taariikhdu markey aheyd  27 JUN 2016, waxaana si wadajir ah u daah  furey Raisal wasaaraha Dowlada Soomaaliya Cumar Cabdirashiid Cali Sharmarke iyo wasiirka warfaafinta Dowlada Soomaliya, Maxamed Xayir Maareeye.

Ujeedooyinka  ugu waa weynaa  ee web-site-ka Guddiga hawada loo geliyey   ayaa wuxuu  yahay in guud ahaan Soomaalida ku nool dal iyo dibad ahba ay kala socdaan  macluumaadka ku saabsan Doorashooyinka