Gudoomiye ku xigeenka Guddiga sayed ali sh Mohamed, Xog-hayahaguud Dr. Dahir Mire Jibreel iyo Agaasimaha hawlgalka doorashooyinka Ismail Yasin Mohamed ayaa ka qayb galay shirku saabsan maamulka doorashooyinka dimoqoraadiga ah oo kadhacay dalka koonfur afrika

Shirkan ayaa waxaa soo qaban qaabiyay macahadka horumarinta ee jaamacada koonfur africka waxan taageeraysay hay’adda deeqaha ee mareykank aee USAID 

Ujeedada tabobarkan ayaa ahayd in Hay’addaha Maamulka Doorashoyinka lagu wacyigaliyo caqabadaha horyaalla shaqyooyinka ay qabanayaan iyo sida loo wajahayo iyadoo laga tilmaanqaadanayo hanaanka dimoqoraadiyadda ku dhisan iyo hiigsiga midowga afrika.

Ujeedada labaad ayaa ahayd in hay’adaha maamulka doorashooyinka afrika ay isku dhaafsadaan xogaha, khibradda, iyo caqabadaha ay la kulmaan si loogu sameeyo is barbardhig islamarkaan ay xalintooda talo guud looga yeesho.

Ugu dambeyn tabobarka loo siinayay hay’adaha maamulka doorashooyinka ayaa ahaa in la helohay’do u qalma habka iyo hanaanka qabashada doorashooyin dimoqoraadi ah.

Dhinaca kale Guddoomiye ku Xiigeenka Guddiga iyo Xoghaya Guud ayaa kulan la qaatay Guddiga Madaxabananee Doorashooyinka Koonfur Africa, Guddoomiye Ku xigenka sayid Ali ayaa marka hore u gudbiyay guddiga salaan qaali ah uu ugawaday Guddomiyaha Guddiga iyo Xubanaha Guddiga doorashoyinka soomaaliya, Salaan kadib ayaa waxa furmay wadahadalo rasmi ah oo looga wadahadlay iskaashiga labada dhinac iyo joogteynta xiriiro dhexmara labada guddi, waxaana la isku afgartay in la sameeyo guudiyo farsamo oo ka kala socda labada dhinac kuwaassoo diyaariya heshiis horu dhac ah oo iskaashi oo mustaqbalka ay labada dhinac kala saxiixdaan

Gudddiga Madaxabannan ee Doorashooyinka Qaranka oo u gudbiyay baarlamanka Federaalka warbixintii Afar biloodlaha ahayd.                  

Read more ...

Duqa magaalada Muqdisho ahna guddoomiyaha gobolka banaadir Mudane Yuusuf Xuseen Jimcaale (Boorsaani) ayaa taariikhdu markay ahayd 8 da bisha Sibteembar 2016 ku wareejiyey guddiga madaxabanaan ee Doorashooyinka Qaranka dhul.

Read more ...

Taariikhdu markay ahayd 23 bisha Nufeembar 2016 ayaa waxaa lagu qabtay xarunta Guddiga madaxabanaan ee doorashooyinka qaranka ee Magaalada Muqdisho kulan aqoon is-weydaarsi oo si wanaagsan loo soo abaabulay waxaana soo agaasimey kulankaas Wasaaradda Arrimaha Guddaha waxayna u qabteen qaar ka mid ah shaqaalaha Wasaaradda iyo xubno ka mid ah Guddiga madaxbanaan ee doorashooyinka Qaranka. Kulankaas waxaa lagu falanqeynayey lagana dooday heerarka ay soo mareen Doorashooyinka  dalka Soomaaliya laga bilaabo  Sanadihii 1950-1969. Ujeedooyinka kulankuna wuxuu ahaa in wax badan laga fahmo doorashooyinka dalka soo marey, isla markaasna la iftiimiyo wixii laga raadraaci karo.                                                                                                                                                                                       

Kulanka waxaa furay Mudane Xuseen Cabdi Aadan oo ka tirsan Guddiga Doorashooyinka Qaranka asagoo jeediyey kalimad soo dhaweyn ah kuna dhiiri galiyey ka soo qayb galayaasha inay ka faa’iideystaan fursaddaas qaaliga ah, maadaama dalka uu ka socdo Doorashooyin dadban, lana doonaayo in sannadka 2020 dalka uu ka qabsoomo doorasho qof iyo cod ah. 

 Ka dibna waxaa hadalka qaatay Mudane Saalax Jaamac oo ah lataliyaha Wasaarada Arimaha Guddaha. 

Oo iyagu la taliyayaal ka ah Wasaaradda Arrimaha Gudaha ahna aqoon yahano cilmi baaris ku sameeyey arrimaha doorashooyinka. Waxay si wanaagsan u duud mareen nidaamyadii doorashooyinka ee Soomaaliya sannadahaas aan kor ku soo xusnay iyo sidii loo maareyn jirey ama habraacoodii waqtiyadaas kala gadisnaa ee qaarkood dalku ku jiray gumeysiga. 

Intaas ka dib waxaa furmay su’aalo ay weydiinayaan ka soo qayb galayaashu waxaana la isku dhaafsaday fikrado iyo aragtiyo kala gadisan oo waxtar leh.

Kulankiina waxaa lagu so af meeray qado sharaf iyo is barasho dhexmarta ka soo qayb galayaasha.